مقدرش اقول غير انه اسعد يوم في عمري كله
رأيت ذلك في نظره طفل برئ علي سرير المرض ..
رأيت ذلك في فرحه ام بأن في اناس اخرون يحسون بهم
رأت ذلك في كم عدد الوجبات وكم الحضور من اخواتي المدونين
رأيت ذلك في اندفاع الكل للمساهمه في فعل خير ورسم السعاده علي اوجه الاخرين
مجهود كبير جدا بذله ناس فعلا ربنا يجازيها خير بحضورها وناس بمساعدتها الماديه...
اليوم من جووا..... اليوم ده من احلي ايام حياتي كلها علي الاطلاق .. يا جماعه ما اجمل وما اروع فعل الخير و رؤية السعاده علي وجوه ناس محتاجه فعلا لمن ياخد بأديهم في مصايبهم واطفالهم المرضي ..
بس الحمد لله زي ما بيقولو احنا النهارده يا شباب المدونين ضربنا 3 عصافير بحجر واحد
1- اننا فطارنا صايمن واخذنا الثواب بأذن الله
2- ان كان المبلغ المتبرع به كبير والحمد لله واتوزع علي ناس فعلا محتاجين ايد مساعده وسبحان الله ربنا فعلا مبينساش حد
3- اننا اتقابلنا في اول لقاء تدويني بالنسبه لي وفطرنا سوا كلنا في جو كله الفه واخاء ( مين الفه دي ؟؟ )" مع ان المطعم رغم جماله ونظافته وشغل الرخام اللي لفت نظري وقوة التكيف اللي خلتني اكره الشتا الا انه تقريبا اثر علي الاستف وخلاه مد الصوم في هذا اليوم لغايه الساعه 7:30 " :) لغايه ما تكرموا ونزلو الاكل لنا
بس المهم اننا شوفنا بعض واتكلمنا مع بعض وحكانا مع بعض واحلي حاجه اننا اتعرفنا علي شخصيات بعض علي قرب ودردشنا في حاجات كتير اوي
*************
