ماشي ماشي في طريـــق طويـــــــــــل
معرفش انا في أوولــه ولا وصلت لفين
بدَور في كل الاتـــجاهات يمين وشمال
علي حلم يمكن القيه بـــــس ده مستحيل
عارف ليــه ..لان اصلا مفــيش نـــوم
علشان احلم بيه..
لما بكون عايز اقول بصوت عالي
انا تعبان ولا متعافي
لو تعبان ياتري هفضل تعبان
ولا هيجي يوم وهتعافي
اسمع صوت سارينه البوليس
أقول خلاص فيه مغيث
يطلع كل اللي سمعته سراب
وأرجع تاني ابص للتراب
********
دنيا زحمه مفهاش رحمه
محدش بيقول كفايه
وهنفضل كده للنهاية
ديرين في ساقيه
لاعرفين لها بدايه من نهاية
دنيتنا فيها أنواع كثير من البشر
الكل فيها متخفي
لكن نوع واحد بس اللي مشتهر
مين..هوا الفقير
اوصف لي يابني الدنيا ديا
اقولك حبه وحوش
وناس ملهاش ديه
دنيا مليانه بالوحوش
مينفعش تجاريهم حتي لو بالجيوش
كتر عددهم مش السبب
لكن الخوف من التعب
--------------
سامح عزت 5/2009
هناك 8 تعليقات:
اهلا بك فى عالم التدوين
مش عارف
ده مبدئيا انا عملت اول كومنت في اول بوست :)
بس نتفق انا مش بعرف اجامل نهائي ابدا :):)
اولا هو المعني عاجبني قوي قوي
بس انت حاولت تلتزم القافية بس ااقولك اكتبي من غير ماتلتزم باي حاجة نهائي
الا لو انت بقي قاصد تكتبي شعر عامي و موزون و مقفي
ساعتها حاول تلاقي كلمات تنهي بيها سطورك جديدة عشان تشد القارئ
دي نصيحة .. انا مش دارس نهائي :):)
بس بحب اتفذلك قوي :):)
بس بجد المعني حلو قوي ... بس اكيد محدش بيعيش تعبان علي طول
جميلة قوي يا سامح
أحلى حتة لان اصلا مفــيش نـــوم
علشان احلم بيه
عجبتني قوي
ده أول زيارة وهتتكرر إن شاء الله
قوس قزح .. انه ترحيب مشجع وفاتح للشهيه
-----------
عادل ..نصيحه غاليه لازم اعمل بيها صدقني انا فعلا محتاج اللي ينصحني وكمان احنا صحاب واعمل بمدأ شيلني واشيلك هههه
------------
دعاء ..دي للاسف كانت كلها احساسيس واقعيه عشتها بس الحمد لله ربنا شفاني (: اتممني فعلا انها تكون عجبتك وشرف ليا ان تتكرر زياراتك بس بعد كده هعمل كارته عشان الم تمن الكهربا اللي بستهلكا
--------
الحمد لله اني فيا نفس وبضحك بصوت عالي
كلام جميل يا استاذ سامح
مع تمنياتى بدوام الابداع
محمد محمد مامون
كلام جميل يا سموحة وربن يوفقك
اخوك محمد عزت
حبيبى سامح انتا موهوب يارب تكون موفق على طول
اية يا سامح فين الجديد عايزين نعرف الافكار اللى فى دماغك
مستنى الجديد يا عريس
محمد عزت
إرسال تعليق